Başak: Binpaykerdişê heqanê merdiman asta îşkenceyî de yo

Şubeyê Wanî yê TUHAY-DERî Kînyas Başakî pare kerd ke binpaykerdişê heqanê merdiman ê zîndanan hînî tecrîdî ra wetêr o û resa asta îşkenceyî.

Îdarekaranê Komeleya Paştdayîşî û Hetkarîya Keyeyanê Tepişteyan û Hukmwerdan ê Wanî (TUHAY-DER) Kînyas Başakî da zanayene ke zîndananê Wanî de bi hawayêkê giranî heqê merdiman yenê binpaykerdene.

Zîndananê Wanî de binpaykerdişê sey cigêrayîşê zûtî, nêdermankerdişê tepişteyan ê nêweşan, nêdayîşê kitaban, kovare û rojnameyan estê.

Tepişteyêko ke hucre de ameyêne tepiştene hetê 10 gardîyanan ra ame derbkerdene û zaf tepişteyî zî werdî ra jehr kewtî la nêameyî weşkerdene. Kînyas Başakî vat ke wexto ke dewlete û îqtîdar bîyî yew şaristanê kurdan de bi nameyê Rewşa Îstîsnayîye tecrîdêk ame kerdene.

Başakî ard ziwan ke binpaykerdişê heqanê tepişteyan tecrîd derbaz kerd resa asta îşkenceyî û vat: ''Embazê tepişteyî werdî ra pê jehrî kewtî şîyî heta mergî la înan rê mudaxele nêame kerdene. Nêameyî weşkerdene. Yanî na dewlete kor ker, û lal  bîye.
Ganî no îşkence cade bêro qedînayene. Ganî embazê tepişteyî yê ke rewşa weşîya înan baş nîya cade bêrê veradayene. Nê embazanê ma ser o teda bîye zaf. 3 serran de 30 kesî ameyî destbendkerdene. Înan ra 38 hezar kesî ameyî tepiştene. Ê bînî zî bi şertê kontrolê edlîyî ameyî veradayene. ''

Başakî vist vîrî ke zîndananê Tirkîya de 300 hezar kesî tepişte yê û wina vat: ''Bi mîlyonan kesî zî bi şertê kontrolê edlîyî teber de yê. Binê şertê kontrolê edlîyî kes nêeşkeno keyeyî ra bivejîyo, bixebito. No zî aslê xo de rewşa tepiştebîyaye ya. Bi mîlyonan embazê ma nika tepişte yê.''