Her ke şino şarê Başûrê Kurdîstanî bi xurtêrî vera hukmatî nêrazîbîyayîşê xo mojneno. Seba ke meaşê înan nêdîya Pêşmergeyê Dêrînî, mamosta û karmendê Îdareyê Roşnvîrîye yê Silêmanî zî boykot de yê.

Pêşmergeyanê Dêrînî Hewlêr de verê parlamentoyî de rayraşîyayîşêk kerd û waşt ke heqê înan bêro dayene. Pêşmergeyan çalakîye de pare kerd ke cewab nêdîyeno waştişanê înan.

Mamosta û karmendanê Îdareyê Roşnvîrîye yê Silêmanî zî seba ke meaşê înan nêdîya kar boykot kerd û verê îdareyî de eşkerayîyêke daye.

Destpêkê hewteyî ra nata qezaya Koyî ya Hewlêrî, Silêmanî, Germîyan û Raperîn de karker û mamostayî çalakîyan kenê. 27ê adare de Wezîrîya Malîye ya Iraqî seba xebatkaranê umûmîye qasê 200 mîlyar dînarî budçeyêke dabî kişte. La meaşî nêdîyayî. Başûr de bêusûlîye ra şar tim meydanan de yo.