Başûr de firteneyê tozî: Bi seyan kesî nêweş kewtî
Başûrê Kurdîstanî de firteneyê tozî ra bi seyan kesî nêweş kewtî û wedarîyayî nêweşxaneyan. Têna Kerkûk de 721 kesî binê tesîrê tozî de mendî û wedarîyayî nêweşxaneyan.
Başûrê Kurdîstanî de firteneyê tozî bi hawayêkê xirabî tesîrê hemwelatîyan keno. Firteneyî ra bi seyan kesî nêweş kewtî û wedarîyayî nêweşxaneyan.
Mudirîya Asayîşî ya Weşîye ya Hewlêrî da zanayene ke roja îneyî ra nata 'tengnefesîye' ra 222 kesî ' wedarîyayî nêweşxaneyan. Ame parekerdene ke Dihok de zî 162 kesî, Kerkûk de 721 kesî û Silêmanî de 4ê ci domanî 11 kesî tengnefesîye ra wedarîyayê nêweşxaneyan.
