Xebatkaranê Dezgehê Ceyranî yê Raperînî seba ke nêeşkayî meaşê xo yê sibate bigêrê ewro kar war verda.

Eşkerayîya xebatkaran de nê çîyî ameyî vatene: ''Dezgeh têna menga sibate de mîlyarêk û 200 mîlyon dînar Banka Ranya rê şawit. Raperîn de meaşê xebatkaranê ceyranî 600 mîlyon dînar o la hema meaşê sibate nêdîya. Xeylêk xebatkarî nêeşkenê kîraya keyeyê xo bidê. Rewşa ma ya ekonomî xirab a.''

Îdareyanê Germîyan û Raperînî yê Silêmanî û qezaya Koye ya Hewlêrî de mamostayanê 43 dibistanan seba ke meaşê înan ê adare nêdîya dest pê boykotê dersan kerd.

Serekê Temsîlkarîya Bexdadî ya Îdareyê Herêma Kurdîstanî Faris Îsayî îfade kerd ke temambîyayîşê karanê sewqî ra dima Wezîrîya Malîye ya Iraqî 200 mîlyar şawito Bankaya Wezîrîye.