Goreyê xebera Rojnewsî bajarekê Kifrî yê Germîyanî de çalakîyî ameyî kerdene û bînaya YNKyî ameyî vêşnayene.

Wexto ke bîna vêşaye hêzanê asayîşî guleyî eştî çalakîkeran ser û Ako Selman (17) guleyanê asayîşî ra merd.

Çalakîkeran verê xo da bînayanê PDK û Goranî zî.

Çemçemal de zî ciwanêko 16 serre merd û 2 kesî birîndar bîyî. Ame parekerdene keciwanê bi nameyê Adem Yanha pê guleyanê PDKyî kişîya.

Ranya de zî şerê mabênê çalakîkeran û asayîşî de 20 çalakîkerî birîndar bîyî û hende çalakîkerî zî ameyî destbendkerdene. 

Seyîd Sadiqî yê Silêmanî de çalakîyan de xeylêk bînayê partîyanê sey PDK, YNK, Komela Îslamî, Goran ameyî vêşnayene. Nê çalakîyan de zî xeylêk kesî birîndar bîyî.