Kampayaya îmzayan a ke roşnvîranê ereban semedê azadîya Rayberê Şarê Kurdî Abdullah Ocalanî daye destpêkerdene rê Başûrê Kurdîstanî ra paştdayîşo pîl ame. 1250 roşnvîrî pê îmzayanê xo tewrê kampanya bîyî.
Komîteya Ocalanî rê Azadîye ya roşnvîranê ereban 29ê teşrîna verêne ya 2020î de semedê azadîya Rayberê Şarê Kurdî Abdullah Ocalanî dest pê kampanya kerdebi.
Kampanyaya do 15ê sibate ya 2021î de biqedîye. Komîte 8 hezar rojî zîndan de mendişê Ocalanî sey sembol girewt dest û hedef keno ke 8 hezar îmzayan arê bido. Başûrê Kurdîstanî ra paştdayîşo pîl ame. 1250 roşnvîrî pê îmzayanê xo tewrê kampanya bîyî. Qismê înan pê destî qimêk zî înternetî ser o îmza kerd.
Endamê Komite Şoreş Xidir ard da zanayene ke îmzayî cayanê Başûrê Kurdîstanî sey Şarezûr, Raperîn,Germiyan, Kerkûk, Silêmanî û Hewlêrî ra ameyî arêdayene. Xidirî ard ziwan ke Dîhok û Behdînan ra zî bi rayîrê e-mailî îmzayî ameyî eştene û vat hema hûmare safî nêbîya.
Îmzayî do Sekreterîya Pêroyî ya Yewîyanê Netewîyan, Komîserîya Yewîya Ewropa, Komîserîya Yewîya Afrîka û Sekreterîya Pêroyî ya Welatanê Ewropa rê bêrê şawitene.
Kampanya zafene welatê ereban û Kurdîstan de ameye rayraberdene.
Kampanya nê adresî ser o yena rayraberdene:
