Endamê Konseya Rayberdişî ya KCKyî Cemîl Bayikî persê Medyanewso ke şi Qendîlî cewab kerdî. Qiseykerdişê Bayîkî ra qismêk wina yo:

''Heyetêk Başûrê Kurdîstanî  û Iraq de pêvînayîşî kerdî. Kesê ke nê heyet de bî nameyê leşkerî û îstîxbaratî bî.  Xora badê pêvînayîşan zî vejîya werte ke rojdemê înan tasfîyekerdişê PKKyî bi. Xora sebebê ci estê ke no zîyaret nika ame kerdene û bi temamî leşkerî bi. Dewleta tirke tarîxê xo ra vera heme şaran û bawerîyanê bînan polîtîkaya asîmîlasyon û qirkerdişî rayra bena. Polîtîkaya înan  îmha û înkarkerdişê heme waranê cuye ya. Xora kurdan û elewîyan tim vera hêrişanê dewlete xover da. Kurdî çar leteyanê Kurdîstanî de xoverdayîşê estbîyîyayî danê. Dewleta tirke bê Rojhilatê Kurdîstanî wazena hîrê leteyanê bînan ê Kurdîstanî îşxal bikero. Efrîn, Serêkanîyê, Girê Sipî îşxal kerdî. Vera Rojawan û Başûrê Kurdîstanî hêrişê îşxalî dewam kenê. Zîyartê Başûrî leteyêkê nê planî yo. Dewleta tirke hetê îtîfaqê AKP-MHP û awrasyayîjan ra yena îdarekerdene. Nê hîrê hêzê semedê qirkerdişê kurdan ameyî têhet.

Teqize kenê ke hema Biden nêameyo îşxal bikerê. Ê zanê ke badê Trumpî do nizdîbîyayîşê rojhilatî yê vera Tirkîya bibedilîyo. Vervatoxê îtîfaqê AKP-MHP-Ergenokî Erdogan o. Qiseykerdişanê derheqê pêvînayîşî ra yeno famkerdene ke Tirkîya qerarê hîrakerdişê îşxalî girewto û  PDK zî seba ke hêrişê înan meşru ramojno rolêk girewto xo ser. Eşkera yo ke vera Başûrû Rojawanî do operasyon bêro kerdene. No çîyêko newe nîyo, xora xeylêk cayê Başûr û Rojawanî îşxal kerdî. Çîyo newe oyo ke do pê operasyonanê neweyan hêrişê îşxalî bêro hîrakerdene. Beno ke demo kilm de bitaybetî Başûr de dewleta tirke û hemkarê ci PDKyî reyde şero pîl vejîyo

Amerîka û Yewîya Ewropa yê ke rojhilatî temsîl kenê tekîlya înan zî Tirkîya reyde hetê şaran ra biproblem a. Xora nizdîbîyayîşê înan paştî dano Tirkîya. Coka qirkerdişan kena. Konseya Ewropa, Mehmeya Heqanê Merdiman a Ewropa (MHME) û CPT zaf kêm bo zî derheqê Tirkîya tay qerarî girewtî la semedê caardişanê nê qeraran nêşinê aye ser. Pêvînayîşê wezîranê karanê teberî yê Almanya û Tirkîya ra zî sere de şarê kurdî hetê demoratîkî qerqilîyenê. Hêzê serdestî goreyê karê xo nizdî benê. La şarî û rayrapêroya demokratîkî wina nîyo. Wextê Xoverdayîş Kobanê, îşxalê Efrînî, Serêkanîyê û Girêsipî ma hemeyan hêzê rayapêroyîye dî.

Bi qala kilme no zîyaret semedê hîrakerdişê hêrişê îşxalî ame kerdene. Seba ke nayî kamufle bikerê raform û rojdemanê bînan erzetê werte. No zîhnîyeto faşîst neêşkeno reform bikero. Teberê xo de her kesî sey terorîstî vîneno, komelî keno cîya. Îqtîdar têna dej dano welatî. Coka ganî no îqtîdaro faşîst bêro wardayene. Ganî demokrasîya Tirkîya û  xoverdayîşê estbîyayîşî yê Kurdîstanî rê wayîr bêro vejîyayene, paştî bêro dayene ke wa no îqtîdaro faşîst bêro rijnayene.''