Hemserekê Konseya Rayberdişî ya KCKyî Cemîl Bayikî beşê diyînî yê Bernameyê Taybetî yê Stêrk TVyî de qisey kerd. Bayikî derheqê mesajanê peyênan ê Abdullah Ocalanî, Newroza 2020î û polîtîkaya dewleta tirke ya vera Kurdîstanî de tay ercnayîşî kerdî.

Qiseykerdişê Bayikî ra beşêk wina yo:

''Ez 8ê Adare yê cinîyan fîraz kena. Rayber Apoyî azadîya şaran azadîya cinîyan de dîye. Coka îdeolojîyê azadîya cinîyan aver berd. Rayber Apoyî sîstemêk awan kerd ke musna cinîyî senî eşkenê xo rêxistin bikerê, têkoşîn bikerê. Cinîyî her ke şino hîna bihêzêr têkoşîn kenê.Têkoşînê înan cuye vurneno. Cinîyê dinya têkoşînê cinîyanê kurdan ra hêz gênê. Bi na wesîle ez cinîyanê kurdan fîraz kena. Menga adare hem seba şarê ma hem zî seba partîya ma mengêka girîng a. Na menge de Newroze zî esta. Newroze vera bêedaletî, îqtîdarî, zumî, koledarîye vejîyayîş a. Seba azadîya serewedaritiş a. PKKyî bingeyê xo Newroze de awan kerd, naye ra ruhê Newroze bi ruhê PKKyî. PKK Newroz tim sey kongreya neteweyîye dîye. Newroze de şarê kurdî waştişê xo, hêvîya xo, armanc û fikrê xo ano ziwan.

Newroze seba şarê ma û şarê bindestan yena manaya destpêkê serre. Senî ke vera Dehaqî îtîfaq ame ronayene ganî ewro zî vera Dehaqî îtîfaq bêro ronayene. Menga adare de zaf embazê ma şehîd bîyî. Nînan ra tay kesî Mazlum Dogan, Egîd (Mahsun Korkmaz) ê. Nê hurd kesî zî ruhê azadîye û demokrasî yê. Ê ma rê rayberîye kenê.Serra 2006î de Serewedaritişê Amedî de zaf çîyê girîngî qewimîyayî. Amed ruhê xo yê xoverdayoxî mojna. Embaza ma Sema Yuce xoverdayîşêko pîl mojna, vera xeta xîyanetî vejîyaye. Newroza 2020î prosesê krîtîkî de yena fîrazkerdene. Çunke her parçeyê Kurdîstanî de hêrişî estê. Polîtîkaya qirkerdişî her parçe de yena kerdene. Reyna vera Rayber Apoyî tecrîd esto. Wekîlî yenê eştene zîndanan.Efrîn, Serêkanîyê, Girê Sipî bi hawayêkê temamî ameyî îşxalkerdene. Uca de zî polîtîkaya qirkerdişî esta. Ma atmosferêkê winasênî de Newroze fîraz kenê.

Ganî şarê ma bi hawayêkê girseyî tewrê Newroze bibo. Her kes gaî tewrê Newroze bibo û mesajê xo bido. Yanî ganî dewleta tirke baş fam bikero ke polîtîkaya înan a vera şarî bênetîce ya. Eke xoverdayîş aver şêro dewleta tirke şaşîya xo fam kena û polîtîkaya xo ra fek vera dana. Eke fek vera nêda o çax tewirê ma de yew sistîye, qelsîye vînena. Coka ganî şarê ma tewirêkê winasênî bimojno ke dewleta tirke polîtîkaya xo ya qirkerdişî dewam nêkera. Newroza 2020î  wa biba a Newroze ke vera dewleta tirke tewirêk bêro girewtene.

Rayber Apoyî vat masaya hîrêlînge. Vat masaya dilînge pît nîya. No lîngo hîrêyîn hêzê demokrasîyî yo ke mîyanê HDPyî de ca gênê. Ganî elewîyî, ciwanî, cinîyî, şarê bînî, kedkarî, roşnvîrî mîyanê HDPyî de bêrê pêser. O çax şarê Tirkîya waştişanê xo anê ca. Şorişî zî averşîyayîşê sîstemê demokratîkî zî têkoşînê vera faşîzmî zî bêîtîfaq nêbenê. Îtîfaq bi demokrasî yeno.Nika Kurdîstan de şerêko gemarin esto ke hetê dewleta tirke ra yeno kerdeme. Çunke ê zaf bîyî qels. Seba ke îqtîdar de bimanê her zulmî kenê. La nê sîyasetî peynîya înan arde. AKP-MHP bi nê sîyasetî peynîya xo arde.

Wazenê ke kurdan û ciwanê kurdan jehr bikerê, kundoxan danê înan. Kurdîstanî de xizanîye aver benê. Wazenê ke komel vêşan bimano û mecburê înan bimano. Bi nê hawayî bi zorî kenê ke şarê ma fuhuş bikero, kundoxan bişimo, ajanîye û dizdîye bikero. No sîyasetê înan o.Botan cayê serewedaritiş û erjanê kurdan o. Coka şarê Botanî hedef kenê. Şexsê şarê Botanî de wazenê ke pêro kurdan çin bikerê. Şarê ma ganî wayîrê domanan, merdiman, cîrananê xo bivejîyo. Xo rêxistin bikero. Eke wina bo ê nêeşkenê nê sîyasetê xo yê gemarinî bikerê. Eke şarê mabi nê hewayî xo rêxistin bikero dewleta tirke nêeşkena kurdan çin bikera. O çax neçare manena ke na mesele çareser bikera. Ez Newroza pêro merdimîye fîraz kena. Her kesî rê serkewtiş wazena.''