Hemserekê Konseya Rayberdişî ya KCKyî Cemîl Bayikî Newroza Qendîlî rê bi vîdeoyî mesajêk şawit û Newroze fîraz kerde.

Mesajê Bayikî ra tay noqtayî wina yê:

''Rayber Apoyî û PKKyî têkoşînê azadîye Newroze de awan kerd. Qet yew hêz nêeşkeno verê nê ruhî bigêro. Serek Apoyî bi ruhê Newroze partîye awan kerde û bi nê ruhî destkewteyê pîlî ameyî destvistene. Eke Başûr de statuyêk esto ney de zî rolê PKKyî esto. PKK sembolê yewî û xoverdayîşî yo, temsîlîyê pêro kurdan keno. Qendîl seba kurdan kelaya xoverdayîşî ya. 

Hêzanê modernîteya kapîtalîste Kurdîstan parçe kerd û vist binê xizmetê îşxalkeran. Ma par têkoşînêko pîl kerd, bedelê giranî dayî û dejê pîlî antî. Ma xêrê nê bedelan ra planê dewleta tirke çin kerdî. Gerîlayan Garê, Werxelê, Mam Reşo, Zendûra û Girê Sorî de destanî nuştî. Şehîdê kurdan şehîdê merdimîye yê. 

Dewleta tirke pê hêzo ke PDKyî ra gêno qirkerdişan kena. PDK xizmetê dewleta tirke keno. Ma waşt ke PDK tewrê yewîya neteweyîye bibo la heyf ke PDK xizmetê kurdan nêkeno. Ganî şarê ma na raştîye bizano û verê nê îxanetî bigêro. Kes nêeşkeno Rayber Apo û PKKyî teberê Başûrî de bivîno. Hemleya ma ya seba azadkerdişê Rayber Apoyî û vera qedexeyê serê PKKyî pêro dinya ra vila bena. Rayber Apo binê tecrîdêkê pîlî de yo. Nêbeno ke ma nê tecrîdî qebul bikerê. Azadîya Rayber Apoyî azadîya şima ya.

Ganî şarê kurdî bi ruhê Newroze vera îşxal û tedaya dewleta tirke wurzo we û peynîya hemkarîya PDKyî bîyaro. Eke verê ney nêro girewtene, kurdî tehlukeyêkê pîlî de têrî manenê û nêeşkenê xo bipawê.

Ma hê kewenê serra 50. ya Newroza Rayber Apoyî. Seba ke ma destkewteyanê 50 serran bipawê ganî têkoşînî xurtêr bikerê. Ez bi taybetî cinî û ciwanan selam kena. Bi çêrî û fedakarîya pîle têkoşînê azadîye bidê, naye ra ber ma çîyêkî nêwazenê. Ma canê xo seba azadîye û şarê xo feda bidê.''