Hemserekê DBPyî Keskîn Bayindirî pare kerd ke şaristanê Qersî seba AKP-MHPyî bîyo derdêko giran ke kerd nêkerd nêeşka weçînayîşan de bivisno destî. Coka Şaredarîya Qersî bîya hedefê hêrişanê qirkerdişê sîyasîyî.
Hemserekê Pêroyî yê Partîya Herêman ê Demokratîkan (DBP) Keskîn Bayindirî operasyonê bi bahaneya 'Cigêrayîşê Kobanê' ercna û ard ziwan ke îqtîdarê AKP-MHPyî key tengîye bianco hêrişê HDPyî keno û vat: ''Nika zî wina yo. Nê operasyonî vera şaranê Kurdîstan û Tirkîya yê.''
Bayindirî ard ziwan ke wextêkê dergî ra nata îqtîdarî vera HDPyî amadekarîya nê operasyonan keno û vat: ''AKP xîret keno ke bi nê operasyonan payan ser o bimano. Berpirsîyarê Serebûtanê Kobanê AKP-MHP yo. Nê pêro arşîvanê Meclîsî de qeydkerde yê. AKP her serre nê operasyonan keno rojdem û hêrişê HDPyî keno. Serebûtanê Kobanê ser o 6 serrî derbaz bîyî hînî rayaumûmîye zanena ke îqtîdar nêeşkeno welat îdare bikero. HDP pêro sûc û kêmîyanê AKP-MHPyî deşîfre keno coka AKP-MHP HDP xo rê keno hedef. AKP zî zaneno ke HDP her ke şino beno hêzêr. AKP do tepiştiş, destbendkerdiş û kiştişan ra netîceyêk nêgêro. Înan rê bîyo derd û kul ke HDP hema zî têkoşîn keno, xo ver dano.
Şaristanê Qersî seba AKP-MHPyî bîyo derdêko giran ke kerd nêkerd nêeşka weçînayîşan de bivisno destî. Coka Şaredarîya Qersî bîya hedefê hêrişanê qirkerdişê sîyasîyî. Hemşaredaranê Qersî Ayhan Bîlgen û Şevîne Alaca verê dizdîyan girewt û xizmet berd şaristanî. Ê zî ameyî destebendkerdene. Şarê Qersî pîya vera naye nêrazîbîyayîşê xo mojna.
Pêro Vakurê Kurdîstanî, Tirkîya û Dinya de seba HDPyî paştdayîşêko pîl virazîya. Ganî muxalefet kerdişanê vera HDPyî seke vera înan ame kerdene biercno û wina têbigêro.''
