Herêma Behdînanî ya Başûrê Kurdîstanî de gerîlayanê HPG û YJA-Starî adir vist ta û Newroze fîraz kerde.

Bi desan gerîlayî tewrê şayîye bîyî. Şayîye pê merasîmêkî dest pêkerde. Fermandaranê gerîlayan ra Rojhat Mûşî  qiseykerdişê xo de manaya Newroze nîşan kerde û da zanayene ke serra 2634. ya Newroze de 2021 de gerîlayan çêrîyêka pîle mojnaye.

Rojhat Mûşî bale ante xoverdayîşê Rayberê Şarê Kurdî Abdullah Ocalan, şarê Kurdîstanî û gerîlayan ser û îfade kerd ke înan bi qerardarî û bawerîyêka pîle 2022 pêşwazî kerdo.

Qiseykerdişan ra dima gerîlayan dormeyê adirî de govende girewte. Wextê şayîye de gerîlayan ra Gelhat Berfîn û Rûkene Dêrsim seba serra 2022yî serkewtiş waşt. Gerîlaya HBDHyî Fera Yeşîlgoz zî Newroza şaran fîraz kerde.