Seba ke PKK lîsteya terorî ra bêro vetene 13ê teşrîna peyêne ya 2021î ra nata xeylêk welatanê Ewropa de  4 mîlyon îmzayî arê dîyayî. Başûrê Kurdîstanî de zî kampanya dewam kena.

 Endamê Komîteya Abdullah Ocalanî rê Azadîye Mihemed Bekîrî derheqê babete de ANFyî rê qisey kerd.

Bekîrî bale ante ser ke têkoşînê PKKyî seba azadîya kurdan  û şaran o û vat: ''PKKyî tarîxê xo yê têkoşînî de tim seba dewayêka meşrûye xîret kerd. Şerm û neheqîyêka pîl a ke PKK mîyanê lîsteya terorî de yeno cakerdene. Ganî hînî peynîya na neheqîye bêra ardene. PKK temsîlkarîya 40-50 mîlyon merdiman keno.

Lîsteya terorî ra vetişê PKKyî yeno manaya çareserîya meseleya kurdan, awankerdişê sîstemê demokratîk û azadî. Seba ke PKK mîyanê na lîste de yeno verdayene no berê şer û qirkerdişî akeno. Cuya azade bi çareserîya demokratîke mumkîn a.''