Endama Koordînasyonê Yewîya Cinîyan ê Ciwanan ê Rojhelatê Mîyanênî (YJCR) Vîyane Karox û Endamê Komelanê Ciwanan ê Rojhelatî (KCR) Çîya Rojhelatî derheqê polîtîka û serebûtanê xokiştişî ciwananê Rojhelatê Kurdîstanî û polîtîkayê rejîmî yê vera ciwanan de ANFyî rê qisey kerd.

Endama Koordînasyonê Yewîya Cinîyan ê Ciwanan ê Rojhelatê Mîyanênî (YJCR) Vîyane Karox vat: ''Rejîmê Îranî keno ke îradeyê ciwanan bişikno. Rejîm pê rayîrê medya  propaganda sîstemî keno û xîret keno ke ciwanî megêrê rayîrê azadîye. Ciwanî bi pederşahî û cînsperwerî yenê weyekerdene. Nê hêrişî bi taybetî vera cinîyan yenê kerdene. Rejîmê Îranî de her roje cinîyî kişîyenê. Rejîmê Îranî hol zaneno ke cinîyê kurdî verê ci de asteng ê coka hende hêrişê ciwanan keno û xîret keno ke ciwananê kurdan rayîrê înan ra biaçarno. Ganî ciwanî vera sîyaset û polîtîkayanê dişmenî artêşa xo awan bikerê û sîyasetê rejîmî mehkum bikerê. Ewro êyê ke vera îşxalî bi zixmî vindenê gerîlayê Apogîrî yê. Nê gerîlayî Zap, Metîna û Avaşîn de vera artêşêka NATOyî şer kenê. Ganî ciwanî bi taybetî cinîyî nê tewirê gerîlayan xo rê esas bikerê.Cinî û ciwanî ganî verê xo bidê koyan û xoverdayîş de ca bigêrê.''

Endamê Komelanê Ciwanan ê Rojhelatî (KCR) Çîya Rojhelatî vat: ''Rejîmê Îranî ciwananê Rojhelatê Kurdîstanî musneno madeya kundoxe. Her roje kolberî kişîyenê, ciwanê kurdî yenê dardekerdene. Ganî ciwanî sebebê nê kerdişan hol fam bikerê. Îşxalkerîye nê sîstemî ciwanan rê ferz keno. Ewro dişmenî her hetî ra hêrişê kurdan kenê nêverdenê kurdî bibê yew. Herinda ke ciwanî şinê kewenê mîyanê sîyasetê gemarinî yê îşxalkeran û xo kişenê wa bêrê tewrê gerîlayan  bibê. Ciwanî wa bêrê seba azadîya welatê xo têkoşîn bikerê, Rayber Apoyî azad bikerê.''