Endama Konseya Leşkerî ya YJA-Starî Bêrîtane Dêrsim Stêrk TVyî rê xoverdayîşê gerîlayan ê bi mengan ercna. Qiseykerdişê Bêrîtane Dêrsim ra beşêk wina yo:

''Hêrişanê vera kurdan pê hêrişê vera Rayberîye dest pêkerd. Armancê înan teslîmgirewtişê PKKyî yo. Gerîlayî xeta Rayberîye ser o têkoşîn kenê. 2015 ra nata şerêko giran qewimîyeno la şerê Garê ra dima no şer derbazê safhayêka newîye bi. Garê de artêşa tirke û artêşa NATOyî pê plananê xo bin kewtî. 23ê nîsane ra nata zî ê bêmabên hêrişê Metîna, Zagros, Zap, Avaşîn û Vakurî kenê. Dewleta tirke pê leşkeranê kîrakerdeyan şer kena. Înan vatêne qey mîyanê 2-3 hewteyan de ser bikewê. La wina nêbi coka înan dets pê şuxilnayîşê çeka kîmyewîye kerd.

Hêzê mîyanneteweyîyî 2003 de semedo ke çeka kîmyewîye şuxilîyena dekewtî Iraq. Nika çira bêveng ê? Çunke henkarê Tirkîya yê. Gelo pê çeka kîmyewîye kişîyayîşê kurdan meşrû yo? Çira wexto ke qala kurdan yena kerdene hêzê mîyanneeteweyî vengê xo nêvejenê? 5 mengî yo koyanê Kurdîstanî de çeka kîmyewîye şuxilîyena, kes vera ney vengê xo nêvejeno. Rixmê ney zî ê nêeşkenê vera gerîlayan netîceyêke bivisnê destî. 

Wa ciwanê kurdî dewleta tirke rê leşkerîye mekerê. Wa bêrê teslîmê gerîlayan bibê. Ciwanê kurdî mîyanê artêşa tirke de benê kiştoxê way û birayanê xo. Gerîlayî nika xoverdayîşêkê bêhempayî kenêi nêzdîyê serkewtişî yê. Ê artêşa tirke têna teyarayê ci estê. 

Dewleta tirke key fam kerdo ke a do vera gerîlayan bin bikewa PDK vist dewre. Wa PDK hînî xîyanetî ra fek vera bido. PDKyî ra nêbo ma rew ra artêşa tirke ya îşxalkere bin kerdêne. Hayîya şarê Başûrî zî pê ney esta. Şar mende, têkoşîn mende, PKK mende yo şa Erdogan do şoro. Keyeyê Barzanîyî wa Erdoganî ser o hesaban mekero. Erdoganî keyeyê Barzanîyî esîr kerdo. Vanê 'PKK Başûrî ra vejîyo.' No rezalet o. Başûr erdê pêro kurdan o. 40 serrî yo her parçeyê Kurdîstanî ra ciwanî mîyanê PKKyî de şer kenê. Ti paştî danî tirkan la ma way û birayê to yê ti paştî nêdana ma. Gelo pêşmergeyî do ney qebul bikerê? Şarê Başûrî ney qebul bikero? Qebul nêkenê. Ma Şingal, Mexmûr, Hewlêr pawitî. Înan êzidîyan rê xîyanet kerd ma ê xelisnayî. şima bîyî sebebê qetilbîyayîşê embaz Şukruyî. Ma do nêverdê ke şima Başûr teslîmê DAÎŞî bikerê.

Şarê Başûrî yo welatperwer PKKyî ra û gerîlayan ra senî hes keno ma zanenê. PÊşmergeyî û gerîlayî way û birayê yewbînan ê. Ez reyna veng dana ke bêrê ma pîya vera dişmenî heman cephe de şer bikerê. Na safhaya şerî de fedakarî û karêko hîra lazim ê. Ma pê bawer ê ke nika ra pey cinî û ciwanê kurdî rayberîye bikerê, hêzê demokrasî û azadîye mîyanê têkoşînî de ca bigêrê. Ganî her kes wayîrê gerîlayan vejîyo.''