Merkezê Çapamenî û Îrtîbatî yê HPG’yî da zanayene ke hêzê îşxalî yê Tirkî 7’ê Nîsane de herêma Dîyana ya pabesteya Besta ya Şirnaxî de operasyon da destpêkerdene.

Bombarduman De 2 Gerîlayî Bîyî Şehîd

Eşkerayî de nê ameyî parekerdene: ‘‘Çarçeweya operasyonê de teyareyanê şerî yê artêşa Tirkî herême bomabarduman kerde. Netîceyê bombardumanan de 2 embazê ma bîyî şehîd û 1 embazê ma zî esîr kewto dişmenî dest.

Çalakîya Gerîlayan De Leşkerek Ame Kiştene

12’ê Nisane de gerîlayan herêma Girê Mevuşkê de da îşxalkaran ro.  Çalakîya sabotajî de yew leşker ame kiştene xeylî leşkerî zî  bîyî birîndar.  Derheqê operasyonî de zanayîşo hîra û nasnameyê embazanê ma yê şehîdan do dimi ra bêrê eşkerakerdene.

Zûrê Medyaya Tirkî

Medyaya taybete ya artêşa Tirkî bi zûran şarê ma xapînena.  Xeberê sey 5 embazê ma şehîd bîyî vila kerdî. Nê xeberî çarçeweya şerê taybetî de yenê hadrekedene.

Hêrişê Hewayî

14’ê Nisane de teyareyanê artêşa Tirkî ya îşxalkare saetanê sibayî de herra Başûrê Kurdistanî de herêma Kendakola ya pabesteya Sîdekanî bombarduman kerde. Netîceyê hêrişî de vîndîbîyayeyê ma çîn ê.‘‘