Paytextê Almanya Berlin de bi beşdarîya bi hezaran kesan seba Roza Luksemburg û Liebknecht ê ke 15ê çeleyê 1919î de ameybî qetilkerdene û seba Lenino ke 21ê çeleyê 1924î de merdbi, rayraşîyayîş ame kerdene.

Bi hezaran kesî ver bi Goristanê Sosyalîstan şîyî. Rayraşîyayîş de vera mîlîtarîzm û şerî mesajî ameyî dayene. Partîyanê çepgîran ra ber dezgehê tirkîyayîş û kurdîstanijî zî bi pankartanê xo tewrê rayraşîyayîşî bîyî.

HBDH û KBDH yê ke tewrê çalakîye bîyî, înan mesajê xo de vat ke azadîya şaran bi şoriş û sosyalîzmî û têkoşînê rêxistinbîyayeyî bena.Yewîya Hêzî ya Şorişgêre ya Ewropaa (ADGB) bi pabkartanê Ecevît Pîrogluyo ke Sirbistanî teslîmê Tirkîya kerdo, rayraşîyayîş de cagirewt. Kortejê TCŞ û TÊKO-JIN zî rengîn bi. Aktîvîstî bi ala û pankartanê xo tewrê rayraşîyayîşî bîyî. Sloganê 'jin, jiyan, azadî' rayraşîyayîş de ame vatene.

Dima gul û çelengî Goristanê Sosyalîstan de ameyî ronayene.