Goreyê zanayîşan Kanîreşê Çewlîgî de lajê serekê şaredarî yê AKP Veysî Bîngolî, Sedat Bîngol, merdimê ci Yavuz Bîngol û oparetorê kepçeyî Fatîh Bîngol pîya mîyanê sînoranê qezaya Gimgimî yê Muşî de xezna ra gêrayî.

3 kesî şanê 13 teşrîna peyêne de demo ke xezna ra gêrayêne dewijan ê îxpar kerdî û naye ser o gîrîyayî binê nezaretî . Yew rojê  nezaretî de mendî û amey veradayene. Serekê şaredarî Bîngol ke kewt dewre laj û merdimê ci amey veradayene. Kepçeyo ke pê xezna ameya kinitene zî apey de dayîya şaredarîye. Birayê serekê şaredarîye Bulent Bîngolo ke îstasyonê petrolî xebitneno naye ra hîrê aşmî ver bi îdîaya kaçaxçîya mazotî gîrîyabi binê nezaretî û dima amebi veradayene.