Mi reya verêne o Heftanîn dî. Temmuze bî. Bibi birîndar û tedawî ra agêrabi. Hema lingê ci de terlîk bibi. Ez persaya mi va ''Ti birîndar nêbî?'' Bi çimanê ci ke beriqîyen huya, va ''Ez cade bîya weş û ameya. Cayo ke her kes wazeno tede bo ra, seba ke ez bîya birîndar tira şîyayîş nêbeno.''

Hela ke ma çay şimitêne gerîla Fermanî qala hîkeyaya xo kerd. Hema ke qundax de bi zîhnîyetê talankerî yê dewleta tirke nas kerdbi. Coka çirey xo vîrî ra nêkerd raştîya dişmenî. Çimê gerîla Fermanî tim pozîsyonê hêriş û bîrîyeyê ey pozîsyonê pawitişî de bî. Çimê ci qula xorî de bî. Tuj bî. Qet zure, xîle, xayînîye nêzanayêne. Dewêka rinde ya Çinarî de 1991 de amebi dinya û sey ûcayî  rind mendbi.  Mert, destakerde, şervan û rind.  Vat: ''Ti zanî çi mi ant koyan? vindertişo biheybet ê koyan. Koyanê biheybetan mi antenê xo. Bejna min a derge, lingê min ê girdî, destê min ê girdî, çimê min ê tujî, heskerdişê mi yê çeke, waştişê mi yê  xelasîye, yanî bi qala kilme semedê gerîlabîyayîşî her çî amebi organîzekerdene, mi rê  têna gerîlabîyayîş mednbi.''

Hema ke di serre nêbibi dewa înan ameybî vêşnayêne la keyeyê ci dewe ra nêvejîyabi. Ûca bibi pîl Ferman Memyan. Sey Herra Amedî serewedartox, xoverdayox vera dişmenî bihêrs bi. Domanîya xo ra dişmen nas kerdêne. Dişmen tim eynî dişmen bi. Ferman zî tim sey o domenê qickêkî ke dişmen naskerdene mend. Hêrsê ey qet tay nêbibi. Bawerîya ci qet kêm nêbîbî, îmanê xo yê qesasî tim pawitbi. Bi nê ruhî Cengê Heftanîn de şer kerd gerîla Ferman Memyanî.

Cengê Heftanîn de her kesî venga ey dayêne ke şirê mewzî û warê ey de çalakî bikero. Her eştişê roketî de sankî merg mirênayêne. Wexto ke îşxalkerî mirênayêne cuya zafêr kerdene. Bawer kerdêne ke dişmen çend çîn bibo na herre de cuya zafêr beno. Nêarisîyayêne şinî her ca. Havan pawitine û zaf biîsabet dayêne piro. Bibi sey nameyê xo Ferman. Serkewte, jîhat û çapik bi. Pîya bi înan bi giranîya rêxistine û zervêşayîya hemrayîye dekerdebi. Giran û bierdem bi. Gure çi beno wa bibo kerdêne.

Xorto rind Semîh Kaplano ke qezaya Çinarî ya Amedî de ame dinya bi nameyê Ferman Memyanî Cengê Heftanînî de şer kerd û 8ê tebaxe de Pîrbila de bi bêmerg…