Binarê Qendîlî de 8’ê Adare yeno pîrozkerdene. Bi wendişê peyemê nuştekîyî ya KJK’yî  pîrozkerdişî ame destpêkerdene. Peyame hetê Evîn Zîlane ra ameye wendene.

Peyam ca dîya nînan: “Ma 8’ê Adare sere de Rayber Apoyî, çalakwananê grevê vêşanîye, heme xoverdayoxan ê cinîyan û Dayîkanê Haştîye pîroz kenê. Ma reyna şehîdanê azadîye yê cinîyan yad kenê û sozê giredayîşî newe kenê. Bêgûman 8’ê Adare peyê xo de mîrasêkê xoverdayîşî verda. Vera sîstemê serdestîyê nêrî, îqtîdar û kedwerdîye ma cinîyî yenê têhet. Vera nê zext û hêrişan cinîyî têkoşînê xo kenê yew û xebatanê xo sewîyêka tewr berze de vejenê. Kobanê ra heta Şengalî, Kerkûk ra heta Mexmûrî cinîyan faşîzmê DAÎŞ’î şikit û rayberîya cimatê azadî kerde. Ewro zî bi rayberîya cinîyan hepisxane û zaf bajaranê Kurdistan û Ewropa de grevê vêşanîye yenê kerdene. Ma reyna 8’ê Adare yê cinîyan ê ke xo ver ro danê, pîroz kenê.”

HETA KE TECRÎD BÊRO WEDARITENE XOVERDAYÎŞ DO DEWAM BIKERO

Bi nameyê RJAK’î Çînûr Pencewînîye vat, “Rayber Apo cinîyeka koleye û cimat newe ra gandar kerdî. Seba naye zî heta ke tecrîd bêro wedaritene têkoşînê ma û xoverdayîşê ma do dewam bikero, ma do Rayber Apoyî azad bikerê. Dimayê eşkerayîyan ê rêxistinanê cinîyan peyama Têgêrayîşê Azadîye ameye wendene. Têgêrayîşê Azadîye 8’ê Adare yê Ocalan û heme cinîyan ê ke xo ver ro danê pîroz kerde. Pîrozkerdiş bi slogananê “Biciwîyo Serek Apo”, Cinî, cuye, azadîye” dewam keno.