Herêma Besta ya Botanî de 13ê gulana 2020î de artêşa tirke ya îşxalkere vera gerîlayan dest pê operasyonêkî kerd. Operasyonê 2 rojan de artêşa tirke ya îşxalkere têna tay cayan de ca da xo û tay herêmî bi giranî dayî bombayan ver. Amebi îdîakerdene ke 7 gerîlayî nê bombardumanan de şehîd bîyî. Gerîlayanê Botanî Adil, Zagros û Êrîş ê ke hêrişî ra xelisîyayî, ANFyî rê qisey kerd.

Gerîla Êrîş Cûdî: A şewe ma panc embazî cayê xo de bîyî. Koçerî zî uca de bîyî. A roje teyarayî ameyî. Mîyanê koçeran de ajanî estbî û cayê ma wina tesbît bi. Embaz Harun embazêko jêhat û bitecrube bi. Wexto ke o vejîya ma zî ey ra pey vejîyayî. Mi peyê ci ra vat wa nêşoro a hete ser la şi ver bi Awa Besta. Dima teyara û kobrayan uca bombarduman kerd.

Gerîla Zagros Cûdî: Teyarayan saete 20:15 de cayê ma ser o bombayî varnayî. Ma kom bîyî û venga yewbînan da. Mi venga Dijwar û Adilî kerd. Dima mi fam kerd ke wird embazî xî verî ma uca ra vejîyayî. Dima ma hîrê embazî vejîyayî. Embaz Harûn ma ra bi cîya.

Gerîla Adil: Embazo ke mi bibê xirbeyan ra ver Dijwar bi. Ey ker dke ez uca ra vejîya. Mi vengê Êrîş, Harun û Zagrosî eşnawit. Min çend reyan veng da. Dima ke ez pê hesîyaya vengê mi nêeşnawîyeno ez uca ra dûr kewta. Ma zanayêne ke pêro embazî ciwîyayêne. Ma cayê xo ra vejîyayî û şîyî.

Gerîlayê ke girêdayîyê embazîye yê, yewbînan ra cîya nêbenê. Temsîlkaranê PKKyî ra Egît û Sabrî no musna ma. Embazî cayêkê bînî de bîyî. La wextê bombardumanî de ê ameyî hewarê ma ser.''