Boksoro kurd Musabeqaya Asya ya 2022yî ra ame dawetkerdene
Ciwano mêrîwanij Mehdî Xosrewî seba Musabeqaya Boksî ya Asya ya 2022yî ame dawetkerdene. Xosrewî musabeqa de do temsîlkarîya şaristanê Sine bikero.
Serekê Heyetê Boksî yê şaristanê Sine yê Rojhelatê Kurdîstanî Seyîd Mehdî Îbrahîmî da zanayene ke ciwano mêrîwanij Mehdî Xosrewî seba Musabeqaya Boksî ya Asya ya 2022yî ame dawetkerdene.
Xosrewî musabeqa de do temsîlkarîya şaristanê Sine bikero. Xosrewî do beşê 54 kîloyan de tewrê musabeqa bibo.
Mehdî Xosrewî şaristanê Merîwanî yê Rojhelatê Kurdîstanî de dadîya xo ra bîyo û rewşa ekonomîke ra kolberîye keno, hem zî waneno. Xosrewîyî wexto ke 16 serre bi dest pê boksî kerd.
