Ferman Botan qala Endamê Fermandarîya Eyaletê Heftanînî Bargiran Erkendîyî kerde ke 20ê tebaxa 2020î de hêrişê hewayî yê dewleta tirke de şehîd bibi.

Fekê Ferman Botanî ra hîkayeya Bargiran Erkendîyî wina ya:

''Ma serra 2016î de Heftanîn de yewbînî şinasnayî. Fedakarî, zerrînizmîya ey bala her kesî antêne. Ey pêro wezîfeyî bê kêmasî ardêne ca. Heftanîn de cayo tewr bitehluke cayê embaz Bargiranî bi. Embaz Bargiran fermandarê xoverdayîşê Heftanînî bi. Ey her ca û hela xoverdayîş û şerî de ca girewt. Embaz Bargiranî mîyanê ekîpa amadekarîya çalakîyan de ca girewtêne. Eke amadekarîya çalakîyan de meseleyêke bibî embaz Bargiranî mesele safî kerdêne. Nê kerdişê ci moral dayêne embazan. O vera dişmenî hêrsîn bi û pê serkewtişî bawer bi. Ey pêro hewcedarîyan rê eleqeder bîyêne.

Par operasyonanê Şeşdara û Dupişk de ey amadekarîya çalakîyan, keşf kerd û meseleyî safî kerdî. Bi nê hawayî embaz Bargiranî pêro çalakîyî bi serkewtişî ardî ca. Dişmen verî ame Pîrbula. Dişmen uca de bi hawayêkê giranî bin kewt. Pê sayê xoverdayîşê Bargiran, Warşîn û Fermanan dişmenî derbêka pîke werde.

Goreyê embaz Bargiranî eke dişmen bîyo qels ganî bêro dayene piro. O pê bawerîya xo ya seba serkewtişî û tewirê xo embazan rê bi mîsalêk.

Embaz Bargiranî planê îşxalê Başûrî yê dewleta tirke pûç kerdî. Şehadetê ey seba ma zaf giran o. Şahdetê embaz Bargiran û embaze Mizgîne ma rê fermanê serkewtişî da. Tewirê embaz Bargiranî mendêne tewirê Reşîd Serdarî. Şerwanê embaz Bargiranî do heta peynî nê tewirê ci bipawê.''