HDPyî çarçewa Kampanyaya 'Herkesî rê Edalet' de Wan de 'Kombîyayîşê Nan û Karî yê 3.' da destpêkerdene. Hemsereka HDPyî Pervîne Buldan, wekîl, îdarekarî tewrê bernameyî bîyî û şîyî qezaya Sêrê ya Wanî.

Polîsan nêzdîyê berê sînorî yê Kapikoyî de heyetê HDPyî asteng kerd. Polîsan pê kamyonan verê berî girewt û rojnamegerî asteng kerdî û jan sey bahane mojna.

Buldane rixmê astengkerdişê polîsan qisey kerd û da zanayene ke çew nêeşkeno têkilîya şar û HDPyî bibirno. Buldane vat: ''Ma zanenê kam nêwazeno ma tîya de eşkerayîye nêdê. Ma do vera nînan û waştişanê nînan de sereyê xo nêarê war. Semedo ke şima wina têgêrenê vera benê qels. Berê sînorî yê Kocakoyî prosesê haştîye de akerde bi û xizmetê Wanî kerdêne. La pandemî de reyn ameye girewtene. Ganî tedbîrî bêrê girewtene û no ber bêro akerdene. Şarê Wanî wina wazeno. Wa şarê Wanî bizano ke HDP pêro waştişanê şima do bîyaro ca.''
Buldane eşkerayîye ra dima şîye Rêxistina HDPyî ya Sêrê û uja ra zî şîye qezaya  Qerqelî.