Gerîlayê HPGyî Navdar Şerzanî qala embazanê xo Evîne Qamişlo û Bahoz Riha kerde ke Hemleya Şorişgêre ya Cengê Heftanînî de Girê Kartalî yê warê Bektorya de şerê vera dewleta tirke ya îşxalkere de şehîd bîyî.

Girê Kartalî hem bi cografya hem zî bi berzîya xo seba gerîlayan cayêko stratejîk o. Wexto ke hêzê îşxalkerî ameyî êyê ke her kesî ra verî vat 'ma do Girê Kartalî wa nêverdê' Zeynepe Amanos û Bahoz Riha bîyî. Evîne Qamişlo, Bahoz Riha, Zeynepe Amanos, Şoreş, Gever û Hozan pîya şîyî serê dişmenî û bi xoverdayîşî şehîd bîyî. Gerîlayê HPGyî Navdar Şerzanî wina qala înan kerde:

Evîne Qamişlo: ''Rîyê Evîne tim huyayêne. Aye qey cîyakerîye nêviste mîyanê embazanê xo. Wextê şerî de zî perwerîya xo mojna embazanê xo. Mîyanêrî şerî de a seba ke embazanê xo yê birîndaran rabikera têgêraye. Evîne aktîf, bikelecan û bimoral bîye.''

Bahoz Riha: ''O nê embazan ra yew bi ke dişmenî ser o zaf xorin bi û tim na xorinîye embazanê xo reyde pare kerdêne. Fedakarî û çêrîya aye seba her kesî mîsal bîye. Seba her amadekarîya ma ya operasyonî aye wina vatêne 'No vera dişmenî derbêk a.' Goreyê aye her tedbîrê gerîla vera dişmenî derbêka pîle bîye.''

Gerîlayê HPGyî Navdar Şerzanî ard ziwan ke dewleta tirke ser nêkewte û do ser nêkewa. Şerzanî vat: ''Xoverdayîşo ke rayberîya Têgêrayîşê Azadîye de yeno kerdene her ca de mîyanê pêro şert û mercan de dewam keno. Wexto ke gerîlayî vanê 'mi cayê xo vurna' xoverdayîş hînî cayêkê bînî de dest pêkeno û beno pîl. Nika zî zîndanan de xoverdayîş dest pêkerd û dewam keno. Koyan de gerîlayî tim do estbê.''