Endamê Konseya Rayberdişî ya KCKyî Cafer Şervanî bi wesîleya Şorişê Rojawnaî ANFyî rê qisey kerd û bale ante hêrişanê dewleta tirke ya îşxalkere ser.

Şervanî verî serrgêra 9. ya Şorişê Rojawanî fîraz kerde û vat: ''Dewleta tirke hêrişê pêro parçeyanê Kurdîstanî kena. Xoverdayîşêko pîl eşkeno na dewlete birijna. Sere de Efrîn, Serêkanîyê û Girê Sipî ganî pêro herêman de karo verên no bibo. Wext wextê rijnayîşê îqtîdarê AKP-MHPyî yo. 

Şarê ma yê Rojawanî ganî pêro wareyan de pê çalakîyan dewleta tirke teşhîr bikero û pê karanê dîplomatîkan zî polîtîkaya Tirkîya ya qirkerdişî çin bikero. Dewleta tirke Efrîn de hêrişê erjanê ma kena, demografî vurnena. Dewleta tirke wextê peyênî de Rojawan de hêrişê xo zêdînayî. Xoverdayîşê şarê Efrînî do bibo sebebê azadîye. 

Îqtîdarê AKP-MHPyî semedo ke herême de mende bibo cergan ca keno. Rojawan û Sûrîye de kurdî û hêzê demokrasî ganî îtîfaq bikerê. Hêzê herême ganî giranîye bidê qebulkerdişê statutê Rojawanî û çareserîya demokratîke ya herême.Erdogan û îqtîdarê ci dînê Îslamî îstîsmar kenê. La herême de rîyê înan ê raştikênî eşkera bîyî. Şarê Rojawanî ganî bi xurtî tewrê Hemleya 'Wextê Azadîye' bibê. Ez venga şaranê kurd û ereban dana ke pê têkoşînê hemparî cewabêkê xurtî bidê kolonyalîstan.''