Verê zîndanan de çalakîya ''Veng Bidê Azadîye'' dewam kena. 

Hemserekê TUHAD-FEDî Kerem Canpolatî derheqê grevê vêşanîye yê tepişteyan de ANFyî rê qisey kerd. 

Canpolatî da zanayene ke şert û mercê tecrîdî nênê qebulkerdene û vat: ''Verê çareserîya meseleya kurdan de astengîya tewr pîle tecrîd o. Îqtîdar ganî derheqê tecrîdî de erkanê xo bîyaro ca. Seba ke fikrê Rayberê Şarê Kurdî vila nêbê no tecrîd yeno caardene. La no tecrîd beno sebebê krîzan. Krîzan ra tek vejîyayîş akerdişê beranê Îmraliyî yo.''

Canpolatî bale ante çalakîya grevê vêşanîye yê tepişteyan û vat: ''Ganî ma bi xurtî wayîrê çalakîya tepişteyan bibê. Ez tîya ra vengê pêro kesan dana ke bêrê ma pîya nê kaosî ra vejîyê. Vera hişmendîya tecrîdî ganî ma pîya veng vejê. Ganî ma çalakîyanê hîna bitesîran bikerê. Roja îneyî, 21ê hezîrane de wa her kes verê xo bido verê zîndanan û paştî bido çalakîyanê keyeyanê tepişteyan.

Ez bi na wesîle roşanê her kesî zî fîraz kena. Ez hêvî kena ke roşan wa bibo wesîleya haştî û aramîye.''