Hemsereko verên ê DBPyî yê Çaldiranî Metîn Adugît 7ê teşrîna peyêne ya 2020î de Hewlêr de hetê asayîşê PDKyî ra amebi tepiştene û 10ê teşrîna peyêne de zî bi hawayêkê şikdarî zîndan de merd.

Cenazaya Adugîtî pê xîretê HDPyî 22ê çeleyî de amebî berdene bi Berê Sînorî yê Xabûrî yê qezaya Silopî yê Şirnexî. Cenaza 2 rojan Şirnex ameye vindarnayene û seba otopsî wedarîyaye Dezgehê Tipê Edlîyî yê Erziromî.

Keyeyê Adugîtî Erzirom de pabeyê cenaza yo.

Keyeyê Adugîtî neçare mend ke mîyanê serdîya binê sifirî de gor bikeno. Şaredarîya Çaldiranî ya AKPyî seba kenayîşê gorî kepçe nêdabi keyeyê Adugîtî.