12ê hezîrane de dewa Anîtosî ya Colemêrgî de 3 gerîlayê HPG û YJA-Starî şer de şehîd bibî. Cenazayê Jiyane Konûr (Jînda Cûdî), Canane Ozdemîr (Canda Welat) û Şaban Yorgûn (Êrîş Rizgar Kato) karanê otopsî yê Nêweşxaneyê Dewlete yê Colemêrgî ra dima 'Goristanê Bêkesan' de ameybî definkerdene.

Keyeyê Şeban Yorgun Mersînî ra ame Colemêrg û muracatê Serdozgerîya Komare ya Colemêrgî kerd. 7 mengan ra dima netîceya DNA eşkera bîye.

Şaredarîya Colemêrgî ya ke destê qeyûmî de ya, seba cenazaya Yorgunî wesayîtêk nêda û seba akerdişê gorî zî kepçe nêda keyeyî. Keyeyî bi îmkananê xo gor akerd û bi wesayîtêkê taybetî cenaza berde. Keyeyî cenazaya xo taxa Karşiyaka de defin kerde.