Gerîlayê HPGyî Yusuf Korkmaz 28ê êlula 2019î de Koyê Gabarî de hêrişêkê hewayî de şehîd bi. Cenazaya Korkmazî serrêke ra naya nêdîyaye keyeyê ci.

Keyeyî serrêke verî xebera şehadetê lajê xo girewte û muracatê Serdozgerîya Komare ya Bursa kerd û nêweşxane de seba testê DNA numûneya gonîye daye. La hema zî cenazaya Yusuf Korkmazî teslîmê keyeyî nêbî.

Babî Bahrî Korkmazî pare kerd ke wexto ke ê şîbî nêweşxane înan rê cenazayêka bîne ya parçekerde ameye mojnayene. Babî Bahrî Korkmazî vat: ''A cenaza yê keyeyêkê îdirijî bîye. Înan cenazaya xo girewte û agêrayî. Seba ke mi û lajê xo ma nê keyeyî de qisey kerd ma maruzê şîdetê polîsan bîyî. ''

Babî Korkmazî îfade kerd ke o wazeno cayê şehadetî ra cenazaya lajê xo bigêro û vat: ''Cenazaya ci lete bi lete zî biba ez qayîl a lajê xo defin bikera. Wa têna cayê ci eşkera bibo ke ma şo serê gorê ci dûa bikerê.''

Babî Korkmazî da zanayene ke hem keye û hem zî cenazayî maruzê îşkenceyan manenê û vat: ''Hînî wa no îşkence biqedo. Nê merdeyanê ma ra çita wazenê.''