3 gerîlayî 24ê êlula 2019î de qezaya Licê ya Amedî de şehîd bîyî. Kûbar Hacîzade zî nê gerîlayan ra bîye. Cenazaya Hacîzade morgê Nêweşxaneyê Cigêrayîşî û Perwerdeyî yê Gazî Yaşargîlî de yena vindertene. Cenazayê di gerîlayanê bînan Nevîne Gungormuş û Fîlîze Aydemîr zî hetê keyeyanê înan ra ameyî girewtene û definkerdene.

Alî Hacîzade seba ke cenazaya kênaya xo bigêro şaristanê Makû ra ame Amed û 27ê çeleyî de muracatê Komeleya Paştdayîşî û Hetkarîya Bi Keyeyanê ke Merdimê ci Dergûşê Şaristanîyan de Vîn Bîyî (MEBYA-DER) kerd. Hacîzade seba girewtişê cenazaya kênaya xo muracatê serdozgerîye kerd labelê îdîa ya ke nêra naskerdene cenazaya kênaya ci nêameye mojnayene. Babî Hacîzade seba testê DNA 29ê çeleyî de şi Nêweşxaneyê Zanîngehê Dîcle û dima ke gonîya xo seba testî daye agêra Îran.

Ame parekerdene ke seba teslîmê cenaza o do pabeyê netîceya DNA bibo.