Cenazaya gerîlaya YJA Starî Raife Kutlak teslîmê keyeyê ci bîye
Gerîlaya YJA Starî Raife Kutlaka ke Besta de şehîde bibî, cenazaya ci teslîmê keyeyê ci bîye la cenazaya Evîne Encu rixmo ke hetê keyeyê ci ra ameye teşhîskerdene, nêdîyaye.
Herêma Besta ya Şirnexî de 22ê çeleyî de 6 gerîlayê YJA Starî şehîd bibî û cenazayê înan ameybî berdene Nêweşxaneyê Dewlete yê Şirnexî. Cenazayê 3 şehîdan perey hetê keyeyanê înan ra ameyî girewtene û memleketanê înan de ameyî definkerdene.
Vizêr keyeyê Raife Kutlak cenazaya kênaya xo teşhîs kerd. Keyeyî cenazaya xo girwet û semedê definkerdişî berd Wan.
Hetê bînî ra keyeyê Evîne Encu zî cenazaya xo teşhîs kerd la seba ke qoricî Nimet Encu yo eynî pêkewtişî de merd, merdimê aye yo cenaza nêdîyaye. Ame îdîakerdene ke do cenazaya badê tehzîyeya Nimet Encuyî bêro dayene.
