Gerîlayê HPGyî Huseyîn Acar (Dilşer Herekol) 18ê teşrîna verêne ya 2020î de Koyanê Amanosî yê qezaya Dortyolî ya Hatay de şehîd kewtbi. Cenazaya Acarî badê 5 mengan teslîmê keyeyê ci bîye.

Seba ke cenazaya Acarî ameybî letekerdene keyeyê ci nêeşkabi ey teşhîs bikero. Netîceya testê DNA ke Dezgehê Edlîyî yê Tipî yê Adana de ame kerdene, badê 5 mengan ame eşkerakerdene. Keyeyî ewro cenazaya xo girewte. Cenazaya Acarî do goristanê dewa Yanilmazî ya qezaya Dihî ya Sêrtî de do bêro definkerdene.