Cenazayê gerîlayanê HPGyî Mervan Abî (Kendal Umut)o ke Colemêrg de şehîd bibi û Kurban Pehlîvano ke Daristananê Sahî yê Bedlîsî de şehîd bibi ameyî definkerdene.

Gerîlayê HPGyî Mervan Abî 14ê hezîrane de warê Koyê Reşkê yê Colemêrgî de şehîd bi. 7 mengan ra dima cenazaya Abîyî dîyaye keyeyê ci. Keyeyî cenaza Goristanê Bêkesan ê Colemêrgî ra girewte û Goristanê Karşiyaka yê qezaya Rêya Armûşî ya Wanî de defin kerde. Polîsan nêverda ke keyeyî ra ber kesêk tewrê cenaza bibo.

Cenazaya gerîlayê HPGyî Kurban Pehlîvan operasyonê 10-11ê çeleyî de Daristananê Sahî yê Bedlîsî de şehîd bi. Keyeyê Pehlîvanî cenaza Morgê Nêweşxaneyê Dewlete yê Bedlîsî ra girewte û dewa Pulurî ya qezaya Kopî de defin kerde. Polîsan nêverda ke keyeyî ra ber kesêk tewrê cenaza bibo.