Perey saetanê şewe de mabênê qezayanê Nisêbîn û Qoserî yê Mêrdînî de, mewkîya Qesra Serçixan de wesîyîtêko bi plaqaya Îraqî dîya guleyan ver. Netîceya hêrişî de Hindirin Abdullah Salih (39), Wahida Haydar Casim (63),  Abdullah Saleh Mustafa (69), Çimen Şahin Halid (75) û Ahmed Celaleddin İbrahim (45) yê ke Başûrê Kurdîstanî ra yê, dinyaya xo bedilnaye.

Bado  ke otopsî ameye kerdene cenazayî teslîmê keyeyanê înan ameyî kerdene. Cenazeyî şawîyayî Duhokî. Derheqê serebûtî de cigêrayîş dîya destpêkerdene û şeş kesî ameyî destbendkerdene.