Gerîlayê Hewremanî yê Rojhelatê Kurdîstanî qala Hewremanî kerde.

Gerîlayan girewt û vat:

''Goreyê vatişan nameyê Hewremanî Uraman ra yeno. 'Ur' yeno manaya adirî, aman zî yeno manaya berzbîyayîşî. Yanî cayo ke tede adir berz beno. Tarîxê Hewremanî şino Hûrîyan ke sey proto-kurdan şinasîyenê. Hewreman vakurê Mêrîvanî û rojawanê Sine de ca gêno. Beşêkê Hewremanî reseno heta Helebçe Başûrê Kurdîstanî. Dewê Hewremanî Weysiyan, Kemalan, Hewreman Text, Serpîre, Bilbere, Silêne, Kelciye Nawe, Niwîne, Wergewêre Ebassawaye yê. Hewreman de ziwanê Notşe, Hanegermele, Dizawer, Kêmîne edebî yo.

Hewremanijî pabesteyê ziwan û kulturê xo yê û tim pê kurdkî (hewremkî) qisey kenê. Mîyanê hewremanijan de tim paştdayîş esto. Hewreman de kulturê wareyan girîng o. Wareyê ci tim pak ê, şar zerar nêdano nê wareyan. Hewremanijî Hecîce, Reştî, Piştvan, Kilaş munenê. Yew zî Ferencî esta ke ferencî serd û germî ra merdiman pawena.

Hewremanijî bax û baxçeyan de bi taybetî wareyanê Awa Sîrwanî de meywe û sebzeyanê xo ramenê. Awa Sîrwanî herikîyena Miyawa, Digaga, Kirawa, Rizawa, Wanega û derbaza Merîvanî bena. 

Hewreman de qala 99 pîran yena kerdene ke mîyanê înan de cinîyî zî estê. Na zî têdûştîya cinî û camêrdan mojnena. Merasîmê Pîrşehrîyarî zî Zerduştî ra nata yenê kerdene. Merasîmê Pîrşehrîyarî de kerraya bi nameyê Teweno Komsey esta. Her kes na kerra ra parçeyêk gêno û cayêk de rameno. Bi nê hawayî kerra bereket ana.

Dişmen nêeşkeno şarê Hewremanî teslîm bigêro. Dişmen pê viraştişê awbend, rayîr ûsn wazeno xozaya Hewremanî çin bikero. Hewreman de xoverdayîşê pîlî qewimîyayî. Cinî û camêrdan nê xoverdayîşan de pîya şer kerd û cinîyan seba ke nêkewê destê dişmenî xo eşt awa Sîrwanî. No kulturê xoverdayîşî hema zî Hewreman de dewam keno.''