Cezayê zîndanî dîyayî çar mamostayanê kurdkî
Mehkemeya Îranî cezaya zîndanî daye çar mamostayanê kurdkî. Torra Heqanê Merdiman a Kurdîstanî pare kerd ke rixmê hêriş, gef û tedayanê dewleta Îranî zî waştişê azadîye dewam kenê.
CEZAYA ZÎNDANÎ YA VERA MAMOSTAYAN
Torra Heqanê Merdiman a Kurdîstanî pare kerd ke 31ê hezîrane de Mehkemeya Merîwanî çar mamostayanê kurdkî Aram Qadirî, Aram Mihemedî, Tehsîn Mistefa û Seywan Silêmanî mehkum kerdê.
Ame parekerdene ke mehkeme cezayê zîndanî dayê mamostayan.
Dîya zanayene ke mamostayî endamê Yewîya Mamostayanê Kurdîstanî yê û ê bi îdîaya 'propagandaya vera hukmatî' ameyêne sûcdarkerdene.
Çar mamostayan ra mamosta Aram Qadir û Tehsîn Mistefa seba ke tewrê çalakîyanê Serhildana ‘Jin, Jiyan, Azadî' bîyê par lîsteya 'qanûnê sîstemê berzkerdişê dereceyan' ra ameybî vetene.
