Eşkerayîya nuştekî ya Koordînasyonê Komalanê Ciwanan de ame vatene ke operasyonê artêşa Tirkî yê seba îşxalkarî ya herêma Bradostî verê çimanê dinya de dewam kenê û ame vatene, “Hêriş roje bi roje bi şeklanê neweyan  dewam keno.”

Eşkerayîye de nê ameyî parekerdene: ''Hêrişî parçeyê planêkê sîstematîkî yê. Wazenê damaranê têkoşînê azadîye yê Kurdistanî bibirnê û şarê Kurdistanî yo ke bi çar parçeyan ameyo parçekerdene zêdetir bêro parçekerdene. Bi nameyê Têgêrayîşê Ciwananê Apoyijan vera hêrişanê îşxalkarîye yê topeykûnî ma vengdayîşê seferberîye ciwananê Kurdistanî rê kenê. Rojdemê sereke yê Cimatanê Ciwanan nika ra tepîya do binkerdişê îşxalkarîya dewleta Tirkî  ya Başûrî bo. Seba naye zî ma do heme hêzanê xo seferber bikerê. Kobanî û Efrîn çi yo Bradost zî eynî çi yo. Senî ke ciwananê Kurdistanî yê qehremanan seba Kobanî û Efrînî hetanî hucreyanê xo sefer bîyî û serkêşîye şer û çalakîyan rê kerde, ewro zî eynî roj a. Na çarçewa de ma veng danê ciwananê Kurdan ê Vakur, Başûr, Mexmûr, Şengal, Rojawan, Rojakewtene û Ewropa kenê ke bi serewedaritişî erdê xo biseveknayê û bi nê amancî seferber bibê. Tewr zêde şar û ciwanê Başûrê Kurdistanî rûmetanê ke hetê gerîlayanê azadîya Kurdistanî ra ameye afernayene zanenê. Hêrişê ke yenê kerdene verê nê rûmet û destekewteyan yenê kerdene. Binkerdişê hêrişanê dewleta Tirkî û erdê Başûrê Kurdistanî ra vetişê înan wezîfeyo tewr gird ê ciwananê şorişger û welatperweran ê Başûrî yo. Seba naye zî awanbîyayîşê hêzanê xopawitişî yê Başûrî yê ke bi hişmendîya pawitişê erdê xo awan bîyê xeylî muhîm o û vera îşxalkerîya dewleta Tirkî gamêka xeylî bimana ya. Ciwanê welatperwerî û qehreman ê Başûrê Kurdistanî bi na hemlaya xo nîşan da ke teberê xoverdayîş û şerî de namûs û erdê xo nêno pawitene.''

Eşkeraîye de hetê bînî ra çalakîya mertalanê gandaran zî ameye silamkerdene û vengdayîş bi ciwananê Başûrê Kurdistanî ame kerdene ke tewrê têkoşînê vera îşxalkarîya dewleta Tirkî bibê. Ma vengdayîş heme ciwananê Kurdistanî rê kenê ke bi şîyarê ‘SERE WEDARE, ÎŞXALKARÎYE PARÇE BIKE’ her wareyî de sere wedarê.”