Kampa Şehîd Rûstem Cûdîyî ya Mexmûrî de rayberîya Meclîsê Îştarî de komêka cinîyan vera tecrîdê Îmraliyî dest pê grevê vêşanîye yê bidorî kerd.

Cinîyan da zanayene ke ê bi çalakîya xo ya grevê vêşanîye paştî danê grevê vêşanîye yo ke tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî dabi destpêkerdene.

Koma yewîne ya grevî 10 cinîyan ra yena meydan û çalakîye Dezgehê Keyeyanê Şehîdan de 2 rojan do dewam bikera.

Eşkerayîya cinîyan de nameyê çalakîkeran ser o Fadîle Tok qisey kerd. Fadîle vat: ''Dişmen wazeno bi tecrîdî îradeyê kurdan bişikno. Eke Rayberê ma azad nêbo cuya azade zî do nêra awankerdene. Ma sey cinîyanê Mexmûrî paştî danê grevê vêşanîye yê tepişteyan. Ganî kurdî vera tecrîdkerdişê Rayberê ma wurzo payan ser.''

Eşkerayîye bi slogananê 'Biciwîyo Rayber Apo', 'Biciwîyo xoverdayîşê zîndanan' qedîyaye.