Koordînasyonê Têgêrayîşê Ciwanan ê Şorişgêran bi eşkerayîyêk da zanayene ke yewîyanê înan û yê Têgêrayîşê Cinîyan ê Ciwanan ê Şorişgêran mehlaya Fatîhî ya qezaya Baglarî (Rezan) a Amedî de hemverê dormeyanê ke madeyê narkotîkî roşîyenê û yenê şuxulnayene de çalaki viraşta.

Eşkerayîye de ame vatene, “29’ê Nîsane saet 20:00 de, mehlaya Fatîhî ya qezaya Baglarî ya Amedî de yewîyanê ma yê Şehîd Zulkuf Hezen û Şehîde Ayten Behçete hemverê dormeyanê ke ameyê tespîtkerdene çalakîya bi fîşekanê hewayîyan û bombaya vengî viraşta.”

Wan de Rayraşîyayîş

Têgêrayîşî da zanayene ke Yewîya Qesasî ya Şehîd Zîlan Roje qezaya Xaçortê ya Wanî de seba ke bale bianco serê tecrîdkerdişê Rayberê Şarê Kurdî Abdullah Ocalanî, grevanê vêşanîye û rojeyê mergî, rayraşîyayîşêko meşaleyin kerdo.