Leşker û qoricîyê dewleta tirke daristanê Cûdîyî vêşnenê. Meclîsê Ciwanan ê HDPyî yê Riha bi rayraşîyayîşî vêşnayîşê daristanan protesto kerd.

Ciwanan rayraşîyayîşo ke qezaya Eyyubiye de kerd, pankartê  "Çiyayê Cudî dişewitînin, deng bidin" akerd. 

Endama meclîsî Seneme Eriş vist vîrî ke bi serran o vera xozaya Kurdîstanî şer yeno kerdene û vat, ''Ewro zî dişmenîya xo vêşnayîşê Cûdîyî ramojnenê. Mudaxaleyê şewatî nêkenê û destûr nêdanê çew mudaxale bikero. No têna talanê xoza û rant nîyo. Îqtîdarê AKP-MHPyî wazeno Kurdîstan bikero veng.''

Badê eşkerayîye ciwananê ke dest pê rayraşîyayîşî kerd sloganê sey,"Çiyayê Cûdî dişewite", "Şarê kurdî hewna meşo, Cûdî  vêşeno" vatî. Derûdorî ra zî şarî bi çepik û fîtikî paştî daye.