Mehmet Topdemîr yan zî Bahoz Amed serra 1986 de yeno dinya. Bahoz bi eslê xo Amed ra yo û keyeyêkê welatperwerî de beno pîl. Bahoz emrê xo yê qijkekî de beno şahidê rastîya dişmenî û fek mektebe ra veradano. Ciwanîya xo de tewrê çalakîyan beno. Xeylî reyan dewleta Tirkî mehlayan de dana ê ro. Dima ra xebatanê ciwanan de ca gêno û serra 2002 de tewrê refanê PKK’yî beno.

Hemrayêkê êyê mucadeleyî wina qalê ê keno: “Embaz Bahoz kesêko heta peynî mutewazî, fedakar û cesûr bi. Şexsîyetêko aktîf bi. O merkezê hêz û moralî bi. Şexsêko nefsqijkek bi û fedakar bi. Bêters û bêqesawet bi. Çi rey hemverê dişmenî mile xo nêkerd çewt, çi rey hêzê xo yê bawerî û serkewtişî kemî nêkerd. Seba ke embazê ê nêbê rincan çi destê ê ra ameyêne kerdêne. Bê tersî şîyêne serê dişmenî. Xebat û mucadeleyê ê de efkar çinbi. Seba ê hemrayî çîyo tewr pîl û berze bî. Çalakîyan de zî bi hawayêkê bi heybetî dayêne dişmenî ro. Çalakîyan de tim vernî de bi. Çalakîyan de heta ke embazanê ê xo apey nêantêne û nêxelesnayêne, o apey nêşîyêne. Naye ra zî embazanê ê ê ra xeylî hes kerdêne.”

Hemrayê ê vatişanê xo wina domneno: “Çi xebate bidayêne verê xo, bi hawayêkê serkewteyî a xebate rayra berdêne. Ne ziwan û ne zî vatiş qîm nêkeno ke kes qalê mucadeleyê embaz Bahozî bikero. Do embaz Bahoz çi rey nêro xovîrrakerdene, do mucadeleyê ê çi rey erd de nêmano. Çunke o mîlîtanêkê rayîrê Rayber Apoyî bi. O sembolê mucadeleyê ma yo û do Cûdî de tim gane bo. Do çi rey qesasê hemra Bahozî erd de nêmano. Ma do tim mucadeleyê ê û rayîrê ê dima bê. O sey vilikêka serê asîmanê ma de welatî rosin keno. Do çilaya hemra Bahoz Amedî çi rey nêro tefnayene û o do seba ma manîfestoya cuye bo. Çunke şehîd nêbo mucadele zî nêbeno. Şehîd nêbo azadî zî nêna destfînayene. Azadî bi ercê şehîdan û bi gonîya zelale ya şehîdan yena destfînayene.”