Qezaya Cizîre ya Şirnexî de operasyonê qirkerdişê sîyasîyî de Hemsereka HDPyî ya Cizîre Gulere Tunç û Hemşaredare Bêrîvane Kutluya ke herinda ci de qeyûm amebi tayînkerdene, zî tede xeylêk kesî ameyî destbendkerdene.
Qezaya Cizîre ya Şirnexî de operasyonê qirkerdişê sîyasîyî de Hemsereka HDPyî ya Cizîre Gulere Tunç û Hemşaredare Bêrîvane Kutluya ke herinda ci de qeyûm amebi tayînkerdene, Cîhan Olmaz, Mesut Nart û Umut Çaglik û Mesut Uçkaç, Reşît Çaglik, Sabrî Erdogmuş, Emin Kalkan, Ali Taniş û Azadiz Uygur bînî ameyî destbendkerdene.
Ame parekerdene ke polîsan wexto ke eşt keyeyan ser berê keyeyê Tunçe û Kutlu şiknayî. Yeno pawitene ke hûmara destbendkerdeyan do bizêdîya.
Derheqê Tunçe de heta nika 9 tehqîqatî ameyî akerdene û tewr peyêne zî seba ke şîya serê gorê Mehmet Tunço ke wextê qedexeyê vejîyayîşê teberî de kişîyabi, derheqê ci de tehqîqatêk dîyabi destpêkerdene.
