Fermandaranê YJA-Starî Laleşîne Cûdî ya ke komployê 15ê Sibate yo mîyanneteweyî ercna nê vatî:

''Bi Komployê 15ê Sibate  ame waştene ke komele bivisnê mîyanê dafikêke û mabênê şarê kurdî û tikî de şer bivejê. Hêzanê emperyalîstan û kapîtalîstan waştêne ke mabênê komelan de şer bivejê û bi nê hawayî sîstemê xo dewam bikerê.

Merdimê sey Rayber Apoyî hezar serran de yew yenê. Coka hêvîya şarê kurdî û şaranê bînan ê seba Rayber Apoyî asta tewr berze de bîye. Rayber Apoyî bi fikranê xo pêro komelî verar kerdênen. Rayber Apoyî bi paradîgmaya xo komplo pûç kerd. Na paradîgma hînî derbazê Rojhelatê Mîyanênî zî bîye.

Hêrişê ke 9ê Sibata 2019î de vera Rojawanî dest pêkerd heman wextî de hêrişê vera fikr , felsefe û sîstemê Rayberê Şarê Kurdî Abdullah Ocalanî yê. Eke cayêk de kurd û Kurdîstan bibê nê seba asîmîlasyonkeran benê tehlûke. Sîstemo ke Rayber Apoyî awan kerd nika vera sîstemê kapîtalîstî alternatîfê dinya yo. Nika vera Başûr, Vakur û Rojawanî hêrişî estê ke nê hêrişê qirkerdişî yê. Nê hêrişî heman wextî de Rojhelatê Mîyanênî bivisnê mîyanê kaosî. Coka sere de şarê kurdî ganî şarê Rojhelatê Mîyanênî û dinya pêro vera hêzanê komplogeran wurzê payan ser û xo ver bidê.''