Biciwîyo Serek Apo, Biciwîyo Xoverdayîşê Zapî, Biciwîyo Şikefta Birîndara... Nê sloganî nika serê ziwanê gerîlayan de yê. Bi ruh û bawerîya înan vera dişmenî şer yeno kerdene 

Gerîlayê Şikefta Birîndaran binê hêrişanê giranan ê artêşa îşxalkere de bi coş û moralî têgêrenê. Hîsê kolektîvîzmî yê gerîlayanê azadîye, têkilîyê xurtî yê embazîye Şikefta Birîndara de hetê gerîlayan Serxwebûn Hewreman û Çîçek Alî ra yenê temsîlkerdene.

Serxwebûn çeka BKCyî şuxilneno Çîçeke Alî zî sekban a.

Serxwebûn Hewreman roja 4. ya şerî de wextê nobete de kamerayan rê wina vano:

''Ewro roja 4. ya şerê Zapî yo. Ewro seba ke hewa xirab bi, dişmen xo nêleqna. Embazan bi sekbanîye, bombaeştoxan, çekanê BQ û A4î çalakîyî kerdî. Embazê ma Girê Cûdîyî de zî bi sekbanîye û B7î çalakî kerdî. Ewro roja netîcegîre bîye. Embazanê derbêka hola daye piro. Embaz Çîyayî bi çalakîyanê xo yê sekbanîye Girê Cûdîyî de dişmenî ra 3 kesî kiştî. Leşkerê tirkî mîyanê şerî de teng mendî. Nêeşkenê aver şorê û xo apey biancê. Teng bîyê.''

Serxwebûn Hewreman wexto ke nobete dewrê embazanê xo keno vano: ''Seba ke ewro hewrî est ê. beno ke dişmen bieşko hêzanê xo bîyarê war. Seba ke ma derbêka hîna girane bidê dişmenî ro, tedbîranê xo bizêdînê. Heta nika ez û embaze Çîçeke ma tîya de bîyî. Ma komêk ê. Embaze Çîçeke sekbanîye de weste ya. Ez çeka BKCyî şuxilnena. Ma bi yarîyan moralê xo kenê hol. Koma ma zaf rind a. Ma do derbanê giranan bidê dişmenî ro.''