Cenazaya gerîlayê HPGyî Mustafa Bayindiro ke herêma Gabarî ya Şirnexî de 9ê çeleyî de şer de şehîd bibi, dewa Girbereşkî ya Êlihî de ameye definkerdene. Keyeyî Nêweşxaneyê Dewlete yê Şirnexî ra cenaza girewte û berde Êlihî.

Leşkeranê tirkan dormeyê dewa Girbereşkî girewt û nêverda ke ferdanê keyeyî ra ber çew tewrê cenaza bibo. Cenaza hetê keyeyî ra ameye definkerdene. Girseyî dormeyê goristanî de sloganê 'Şehîd namirin' vat û astengîya leşkeranê tirkan şermezar kerde.

Cenazaya gerîlayê HPGyî Yunus Kardagiyo ke warê Omerya yê Mêrdînî de 7ê êlula 2022yî de şer de şehîd bibi, hetê keyeyê ci ra qezaya Kopî ya Mûşî de ameye definkerdene.

Polîsanê tirkan nêverda ke wa çew tewrê merasîmî bibo. Keyeyê Kardagiyî zîyaretê serweşîye Kop de qebul keno.