DAÎŞî Mexmûr de di şiwaneyî remnayî
Cerganê DAÎŞî wextê peyênî de Mexmûr û dormeyê ci de têgêrayîşê xo zêdîna û dest pê remnayîşê merdiman kerd. DAÎŞî Herêma Qerecî de 2 şiwaneyî remnayî.
Wextê peyênî de herêmanê Başûrê Kurdîstanî de têgêrayîşê DAÎŞî zêdîyeno.
Cerganê DAÎŞî herêma Qeracî ya Mexmûrî de vizêr şewe 2 şiwaneyî remnayî. Aqîbetê şiwaneyan nêzanîyeno. Dîya zanayene ke serebûtî ra dima leşkeranê Iraqî dest pê operasyonê cigêrayîşî kerd.
Verî zî DAÎŞî dewa Zerge ya Xurmatoyî de 3 şiwaneyî remnayî.
