24ê hezîrana 2018î de qezaya Pirsûsî ya Riha de terefgîranê AKPyî hêriş keyeyê Şenyaşarî kerdbi. Hêriş de mêrde û di lajê Emîne Şenyaşar hetê pawitoxanê wekîlê AKPyî Îbrahîm Halîl Yildizî ra kişîyayî. Emîne Şenyaşar û lajê ci Ferît Şenyaşar vizêr bi armancê waştişê edaletî verê bînaya AKPyî ya Riha de çalakîya roniştişî kerdbi. Dima Emîne û Ferît Şenyaşar bi bahaneya 'muxalefetê vera qanûnê çalakîyan' ameyîdestbendkerdene. Dadî û lajî asayîş de heqê xo yê bêvengîye xebitna û qisey nêkerd.

Vizêr serê sibayî zî îfadeyê înan ame girewtene. Emîne Şenyaşara ke bi kurmanckî îfade da wina vat: ''Lajê mi vera bidê, lajê Yildizî bitepişê. Domanê mi kişîyayî. Wa kiştoxî bêrê cezakerdene.''

Îfade ra dima Emîne û Ferît Şenyaşar bi şertê kontrolê edlîyî vera dîyayî.