Gerîlayanê YJA-Starî ra Darsîne Ameda ke nika Herêmanê Pawitişî yê Medya de mîyanê xoverdayîşî de ca gêna, derheqê xoverdayîşê Cengê Heftanînî de ANFyî rê qisey kerd.

Gerîla Darsîne Amed vat: ''Dewlete wexto ke hêrişê Heftanînî kerd waşt ke mîyanê çend rojan de Heftanîn bivisna destî. La xoverdayîşê Cengê Heftanînî, xoverdayîşê embazan ê fedayî û çêran no xeyalê dişmenî çin kerd!

Destpêkerdişê xoverdayîşî bi vatişê 'Tîya Heftanîn o!' bi. Embazanê ma pêro planê dewleta îşxalkere pûç kerdî. Leşkerê înan remayî, psîkolîjîya înan bin şîye. Înan qoricîyî vistî dewre la ê zî pê xoverdayîşê ma nêeşkîyayî. Gerîlayan taktîk û teknîkê dişmenî çin kerdî. Nika ma şerê giranî yê 3. yê dinya de yê. Dewleta îşxalkere şaristanan de zî şarê ma rê zulm kena. Coka ganî ciwanê Kurdîstanî wayîrê hemleya azadîye vejîyê.

Bi yewbîyayîşê gerîla, şar û cinîyan ma do cewab bidê prosesî û  tecrîdê vera Rayber Apoyî wedarê. Senî ke hêzê Rayber Apoyî Heftanîn de armancê dişmenî pûç kerdî bi nê hawayî ê do  her ca de dişmen pûç bikerê û ser bikewê.''