Sekreterê Pêroyî yê ANPIyî Fabrizio De Sanctisî ard ziwan ke ganî hukmatê Tirkîya bi gamanê zelalan cewab bido bira PKKyî û vat: ‘’Ganî Birêz Ocalan azad bibo. Haştîye bi hepskerdişê muxatanî nêbena.’’
Sekreterê Pêroyî yê Yewîya Partîzanan a Îtalya (ANPI) Fabrizio De Sanctis birê Kongreya PKKyî ya 12ine seba haştîye sey gamêka pîle ercnaye.
De Sanctisî vat: ‘’Birê Kongreya 12ine ya PKKyî gamê pîlî yê.Rewşa nikayêne de gama tewr avere na ya û bawerîyêka haştîye afernaye. Ganî dewleta tirke zî gamanê zelalan bierza. Dewlete sey gama verêne ganî Ocalan vera bida, destûr bida ke Birêz Ocalan bireso heskerdoxanê xo, keyeyê xo û embazanê xo. Ganî aktoro sereke yê newera raştkerdişê têkilîyan Tirkîya de bibo.
Seba serkewtişê prosesî ganî pêro heqê kurdan bi qanûnan bêrê garantîkerdene. Şarê kurdî wa bibo hemwelatîyo têdûşt. ‘’
De Sanctisî îfade kerd ke netîceya xîretanê Rayber Apoyî de ancî Tirkîya de şensê haştîye yeno nîqaşkerdene û vat: ‘’Haştîye mabênê di terefan de yena kerdene. Hetê çareserîya meseleya kurdan ra Ocalan wayîrê rolêkê pîlî yo. Bi hepskerdişê muxatabî haştîye nêna. Ez hêvî kena ke Ocalan cade vera bidîyo.’’
Fabrizio De Sanctisî dîyar kerd ke seba serkewtişê prosesî ganî komelo mîyanneteweyî bi mesuldarî têbigêro û vat: ‘’Komelo mîyanneteweyî ganî waştişê veradîyayîşê Ocalanî bikero û prosesê haştîye garantî bikero. Ganî komelo mîyanneteweyî bêveng nêmano.’’
