DEDAŞÎ serê sibayî leşkeranê tirkan û TOMAyan reyde eşt taxa Dîrseklî ya qezaya Cizîre ya Şirnexî ser. Ekîbanê DEDAŞî hacetê hûmaritişê ceyranan kerd we û berdî. Taxe hem zî binê ablûqaya leşkeran de ya.

Qezaya Bismilî ya Amedî de DEDAŞî vizêr leşkeran reyde eştbi taxa Hacîya Kurdan ser. Nêrazîbîyayîşê şarî ser o leşkeran şar tehdît kerd ke ceyran bibirnê. Şewe ceyranê taxe birîya. Taxe de nêweşê girêdayeyê tupê oksîjenî est ê. Şar nêeşkeno awe bido axpînanê xo zî.